Bakıda I Milli İnsan Resursları Forumu (MİRF2015) keçirildi.
22 декабря 2015•
416
Bakıda I Milli İnsan Resursları Forumu (MİRF2015) keçirildi.
Forumun həmtəsisçilərindən biri olan Cabir Süleymanlı açılış nitqində bilik paylaşdıqca artar prinsipi ilə bu yola çıxdıqlarını və forumun əsas məqsədinin insan resursları sahəsində çalışan peşəkarların öz biliklərini bir birləri ilə paylaşmaları olduğunu bildirmişdir.
Son illərdə insan resurslarının idarə edilməsi sahəsinə göstərilən maraq fonunda bu cür tədbirlərin önəmini vurğulayan təşkilatçılar, forumda iştirak edən 140-dan çox şirkətdən 250 iştirakçının olmasının da bunun bir göstəricisi olduğunu bildirdilər.
Hər birində 1 moderator və 5 spiker olan 3 paneldən ibarət forum 1 gün boyunca davam etmişdir. Spikerlər forumun təsisçilərinə və koordinatoru Elmira İsmayılovaya, eləcə də bütün təşkilat komandasına təşəkkürlərini bildirib, bu sahənin inkişafı üçün forumun gözəl bir addım olduğunu və davamlı olması arzusunu səsləndirdilər.
Forumun sonunda çıxış edən digər həmtəsisçisi Murad Məlikov tədbirin hər il keçirilməsini, bununla yanaşı il boyunca bir neçə fərqli tədbirlərlə biraraya gəlməyin də planlaşdırıldığını bildirdi.
